اتنهدي
خللـّي السحــاب ينزل مطـر
يغسـل خـدود ورق الشجـر
واتبسـمي ... بعد الســهر
للتجــمه تحـضن ضـيها
وتنعـس علي صـدر القمـر
اتنهدي
للنســمه تفـرد شــعرها
علي كـتف يدفـع مهـرها
ومن سحرها
بتقسِّـمي قلوب البشــر
قلب انكسر ... قلب انفطر
وقلب داب في ضل رمشك وانصهر
واتبسمي للكلمه توصل للقلوب
تعشق عيون الفجر ساعات الغروب
تسمع غناوي خطوتى كل الدروب
واعشق عذاب العشق لا يمكن أتـوب
اتنهدي و اتبسمي
تسمع صحاري القلب أأأهات الحضر
وانا قلبي عصفور ارتعش تحت المطر
طلب الحنان من عنيكِ النعسانين
وفـرد جناحه عالمدى شوق وأنين
ولما يندهلى الحنين
في عنيكي يحـلالي الســفر
ويا ابتسامة قلب مكسور انفطر
أو حتى داب في ضل رمشك وانصهر
أو انتظر
يجمع خطاوي حلمنا عطف القدر
يجمع خطاوي حلمنا عطف القدر
ليست هناك تعليقات:
إرسال تعليق