أنا نور شقي غاوي أشُك الضلمه بالدبوس
و أضحك على اللي الريس و عالمرؤوس
واضحك على الشعب اللي وطّى يبوس
وأضحك على عضامي نخرها السوس
و على نسر وقف يدوس .. على راسي يدمغني
رنة صاجات الصهلله .. لها في جيبي شخلله
زي الفلوس .. تشبه صاجات العرقسوس
عمري كُلُه ودعايا جُـلُـه .. يا رب يا مـُغني
لو قالوا تضحك ليه يا كلب يامنجوس
اعمللهم مخبول واعمللهم ملبوس
واقول لقيتلي فانوس
فيه جني كان محبوس .. طلع و زغزغني
ليست هناك تعليقات:
إرسال تعليق