ذكرى

انا عشت بعدك يا حبيبتي وحيد

مع جرح واصل من وريد لوريد

والدمع غاسل صدى السلاسل في قيد حديد

عايش في ذكرى سافرت لبكره

طارت كما العصفور

سافرت في ليله وكان القمر مخمور

شارب في كاس الحنين

أنين

يشيه هديل النور

نغمه حزينه للنايات

والذكريات

راحت تلامس خطوتك في حلمنا المقهور

تشوفني في ضلة رموشك راحل

والخطوه تحكي وتتنهد لرمل الساحل

على شط باكي من العطش والجوع

والموج يعلمني الغزل مسجوع

المعنى يتحول في عيني دموع

والكلمه تتحول لقلبي ضلوع

والدمعه تتحول في ليلك شمعه

تشوفي نورها طول شعاع الفجر

في عيوني لامعه طالبه الثواب والأجر

والاجر ضحكة عيونك
ونظرة من هنا لبعيد

وانا أوزن الضحكه بكف الإيد

وارجع من الذكرى مع التنهيد

أهرب على مهرة خيال تسابق المواعيد